近排有條新嘅Matrix預告上映，每次喺戲見到奇諾李維斯，我都總會諗起佢嘅成長經歷。3歲，父親離家出走。少年，因讀寫障礙而多次轉校。23歲，最好嘅朋友因濫藥而死。34歲，拍拖9年嘅女友懷孕，而懷孕8個月不幸流產，女友再係18個月後因車禍去世。再喺冇幾耐之後，妹妹亦證實患上白血病，曾一度考慮息影，好彩病情最後受到控制。然後佢將"The Matrix"賺到既大部分收入捐畀醫院，亦捐咗好多錢畀基金會，幫助有需要嘅患者。
有睇過Matrix都知，紅色藥丸代表體現殘酷現實嘅真相，藍色藥丸代表愚昧但能夠平凡踏實地過每一日。戲入面嘅佢係食咗紅色藥丸，但現實嘅佢係會揀紅色定藍色呢？冇人知，但現實，好多時就正正係唔到我哋選擇。好多人庸碌一生，離棄真相,逃避現實，只為追求名或者利？或者只係追求買到樓？往往都會忽略咗身邊好多美好嘅人或啫事實。等意識到失去時，已經追唔返，所以倒不如珍惜每一日，見想見嘅人，食想食嘅嘢，活在當下。
#正能樣大師哈佬黃
Search